E ehercito israelí a bisa cu nan ta eherciendo un “seri di ataké” den cercania di e kapital iraní Teheran y tambe na otro luganan den e pais. E ehercito ta yama esakinan atakenan di venganza despues cu un “òbheto aéreo sospechoso” a ser lansa for di Iran y a keda intercepta.
Exsplosionnan na Tel Aviv i Jerusalem
Na Jerusalem y Tel Aviv den oranan trempan diaranson mainta por a scucha varios explosion. Un rato prome, ehercito di Israel a bisa cu nan a detecta lansamento di varios raket biniendo for di Iran.
E ciudadanonan den areanan unda sirena a zona, a haya ordo pa bai shelter y keda eynan te ora haya mas instrucion. Medio di comunicacion estatal iraní tambe a informa ku un ola nobo di raket a wordo lansa riba Israel.
Cuater raket no a wordo detecta na tempo pa Defensa Aereo Israeli, for di reportahenan ta mustra cu e raketnan a dal den e parti central y zuid di Israel.
Varios herido despues di atake di raket di Iran, un hospital a wordo alcansa pa un raket di Iran
Un funcionario militar israeli a bisa e agencia di noticia Reuters, cu varios raket irani a cay den areanan residencial. Medionan di comunicacion israeli a raporta cu tin varios persona herida y tambe un hospital zuid di Israel a wordo alcansa, ta trata di e hospital Soroka na Beër Sheva.
E prome imagennan di e hospital, un reportero di The Times of Israel a compartí e imagennan, asina por a mira e dañonan considerabel. Segun e reportero, un parti di e dak a cay aden y tambe un parti di e hospital tabata na candela.
Na Holon, cerca di Tel Aviv, tres persona a keda seriamente herida despues di e impacto di e raket. Tambe 16 persona a keda levemente herida. Esaki a wordo informa pa esnan di e servicio di emergencia.
Un di e raketnan a cay na Ramat Gan y a laga hopi daño atras, Ramat Gan ta un cuidad cerca di Tel Aviv.
Durante dia Servicio di Emergencia na Israel a raporta cu un total di 89 persona a wordo herida door di e impacto di raketnan, cu a wordo lansa den becindario di Tel Aviv y e parti zuid di e pais.
