Aruba Athtletes’ Commission y COA ta organisa anochi informativo riba tema di atleta
Despues di un yamada na tur atleta pa atenda e “Athletes’ Forum” organisa door a Aruba Athtletes’ Commission (AAC) y Comite Olimpico Arubano (COA), a mira cu e deseo di conoce mas di e temanan rond di atleta ta grandi como e evento a yena simannan antes. Pa e motibo aki, ta aprobecha di bishita di Carlos Santiago OLY, un atleta Olimpico cu awo ta educador di “Athlete365” pa asina duna ofrece un tayer pa tur dirigente y entrenador di federacionnan deportivo na Aruba.
Aki e lo presenta diferente puntonan di interes pa loke ta trata e tema di “atletanan”, manera:
• Athletes’ Commission
• Long Term Athlete Development
• Athletes’ Rights
• Athlete 365
Evento lo tuma luga
Dia: 23 october 2025 (diahuebs)
Ora: 7:00pm – 9:00pm
Luga: Universidad di Aruba, LSB-Aula
Tambe lo duna informacion den cuadro di e eleccion di e Aruba Athletes’ Commission cu lo ta fin di aña pa asina sa como federacion kico lo mester haci y con pa ta parti di esaki y mucho mas. Carlos lo tuma tur pregunta cu por tin tambe, asina ta cu por haci uso di e tremendo oportunidad aki pa haya informacion riba cualkier tema cu tin di haber cu atleta.
Ta pidi pa comparti cu tur miembro di directiva y entrenador di boso federacion. Esaki ta conta pa entrenadornan di Club tambe!
