AMSTERDAM – Gobierno Hulandes lo activa e prome fase di un plan di crisis di energia dialuna, agencia di noticia Hulandes ANP a informa diasabra, citando fuentenan di gobierno.
Ta e prome biaha cu gobierno lo activa e plan, cual a wordo diseña durante e crisis di energia causa door di e invasion all out di Rusia den Ucrania na 2022.
Gobierno no tabata inmediatamente disponibel pa duna comentario.
Activacion di e prome fase ta nifica cu mercadonan di combustibel ta desbalansa, sin scarsedad inmediato. Den e fase aki, mercadonan di energia lo wordo monitoria di cerca, mientras cu gobierno y industria ta prepara pa un situacion pio.
Prome Minister Rob Jetten a bisa diabierna cu su gobierno lo anuncia medidanan pa compensa hende pa e costonan di energia cu ta subiendo dialuna. Ta spera cu esakinan lo inclui reduccion di impuesto pa doñonan di auto, pero no un reduccion di e impuestonan riba combustibel.
