Dos amigo di edad halto a bringa, unda cu uno a resulta herida

Santa Cruz – Diabierna anochi polis a bay Cede di MEP, unda cu lo tin un persona herida.

Polis di Santa Cruz a compronde na nan yegada cu lo tawata tin un discusion, entre dos amigo cu ta sinta eynan. Ambos tawata bebi. Por a mira cu e dos cabayeronan di edad a bringa basta bon cu otro, debi cu tawata tin varios cos benta abou y stulnan gebolter.

Parse cu un rato prome un di esnan envolvi den e pelea a wordo hiba cas.
E cabayero di edad na e sitio tawata tin un kap na cabes y tawata sangra bastante.

Ambulance a wordo pidi pa controla e cabayero y Paramediconan cu a yega a dun’e e atencion medico cu e tawata mester.

Pues trempan nan tawata amigo, y ora alcohol a subi minimo cos a causa un discusion cu a termina na maltrato di un.