Oranjestad
Kerki Protestant Oranjestad den un esfuerzo pa cuminsa recauda fondo pa drecha nos edificio Grote Kerk ta organiza un tremendo bazaar ariba diahuebs 29 di mei awo. Nos ta cuminsa 10or di mainta y ta caba 3or di atardi. Ta bai tin cuminda di Surnam hopi dushi manera Nassi, Bahmi, Roti y snacks Surnam tambe manera Samosa, Sateh y Loempia. Nos ta preparando un bar bon surti. Tambe na e bazaar aki nos ta bai tin na benta un colleccion grandi di paña pa mucha hoben y hende grandi cu nos a ricibi di e compania MNG (Mango) ora cu nan a sera. Ta bai tin tambe hopi actividad pa e chikitin por participa y tur presente por cumpra ticket pa gana premio den un rifa. Kerki Protestant na Aruba ta existi mas cu 200 aña y nos tin un di e edificionan mas bieuw na Aruba cu ta data di 1846. Henter Aruba ta keda cordialmente invita pa pasa un rato ameno cerca nos ariba dia di asuncion ! Nos ta situa net patras di Renaissance Resort. Entrada pa e evento ta via Klipstraat y entrada ta gratis.
