Como presidente di e comision di coordinacion pa Weganan Olimpico Los Angeles 2028
Manera ta bon conoci, Secretaria General di Comite Olimpico Arubano (COA), Sra. Nicole Hoevertsz ta conoce un trayectoria largo como parti di Comite Olimpico Internacional (IOC) unda cu e ta un miembro desde aña 2006 y mas recien a fungi como Vice-Presidente di 2021 pa 2025. Cu un gran conocomento di e mundo Olimpico y su experiencia di hopi aña, Nicole a haya e tarea pa dirigi e comision di coordinacion cu ta organisa e Weganan Olimpico di Los Angeles 2028.
E siman aki na e “Olympic Winter Games Milano Cortina 2026” tin sesionnan di e Comite Olimpico Internacional cu ta trata diferente topiconan importante, entre otro e Weganan Olimpico. Awe e comision di coordinacion representa door di Nicole a comparti diferente informacion cu sigur ta indica un tremendo Weganan Olimpico lo tuma luga na cuidad di Los Angeles den 2028.
