Diamars y diaranson, 8 y 9 di juli, hungadornan di 2 team di seleccion di Pony 8U ta biaha pa Marion Illinois pa representa Aruba na Merca den e torneo 2025 Pinto 8U International Baseball Classic.
No ta e prome biaha cu ekiponan di Aruba ta bai participa na e torneo aki di 8U Coach Pitch. E 10 peloteronan di Team Oranjestad U8 cu tin e honor di representa nos isla y nan bandera den e torneo aki ta: Nathan Maduro, Osdin Croes, Gerzion Gonzalez, Liam Ruiz, Rushen Faria, Omaric Andrade, Zhaèr Thompson, Eduard Flanegin, Aiden Rodriguez, y Axl Wester. E manager di e ekipo aki Edgar Flanegin, hunto cu coachnan Jair Thompson, Arsan Wester y Imro Gonzalez, lo lucha pa hiba nos muchanan te final. Team Santa Cruz lo wordo maneha door di Gregorio Geerman, y nan ekipo tin un total di 12 hungador.
Team Oranjestad kier gradici tur nan sponsornan cu a duna di nan banda pa e team ta fantasticamente uniforma y ekipa.
Nos ta desea e atletanan y coachnan di ambos ekipo hopi exito den exterior.
