Aruba Juniors 60 plus Softball Team ta organisa, diadomingo awo dia 23 di november, un torneo amistoso di softball. Banda di e weganan di Softball lo tin un torneo di domino.
E weganan di softball ta cuminsa 9:30 di mainta unda cu Astros y Surprise ta enfrenta otro. Pa 11or ta topa otro Deco’s y Balashi Sunrise Stingers cu ta debuta den liga 60 di softball. Jani’s y Tigers ta midi forsa cu otro pa 12:30. E ultimo wega di softball ta riba programa pa 2or y lo bay entre Boomerang y Sluggers.
Pa loke ta domino Seroe Blanco Boys lo sinta na mesa cu Pluma Contenders pa 1or di merdia. E ganado di e wega aki lo enfrenta Bou Palo otro siman den a gran final. Siman pasa Bou Palo a duna Skina Dakota les di conta punto den domino. Bou Palo a gana cu score di 21 pa 7. Informacion cu nos a haya ta cu e guynan di Dakota a keda tur bruha di e sapatonan cu nan a haya.
Fanaticonan di softball 60 plus y domino ta cordialmente invita pa pasa Aruba Juniors diadomingo awo. Manera custumber bar y cushina lo ta n a ordo di un y tur.
