Diadomingo awo 22 di februari 2026 ta inicia riba e veld di softball na Aruba Juniors Ballpark, e anual “Torneo Himno y Bandera”. E aña aki lo participa 8 ekipo di 60 plus parti den dos poole. Den Poole A lo competi Sluggers, Jani’s, Tigers y Aruba Juniors. Mientras cu den poole B Astros, Surprise, Bambino y Deco’s lo bataya cu otro.
Aña pasa den un final dramatico Astros ta laga Glovers den tereno pa bay cu e titulo 2025. E aña aki varios equipo a reforsa pa asina purba bay cu e trofeo 2026.
E torneo ta inicia dia 22 di februari 2026 cu tin un duracion di 5 siman lo culmina dia 18 di maart 2025 cu un cushina di seafood. Tambe, manera ya ta tradicion riba 18 di maart, lo reconoce un of mas baluarte den deporte na Aruba.
E Schedule pa diadomingo awo 22 di februari 2026 ta como lo siguiente: 9:30 am Aruba Juniors contra Jani’s, ta sigui pa 11 am e wega entre Sluggers y Tigers. E di tres wega cu ta programa pa cuminsa 12:30 pm e campeonnan di aña pasa Astros ta topa e fuerte ekipo di Surprise. Pa 2:00 pm Boomerang cu Deco’s lo midi forsa cu otro. E ultimo wega di dia ta den liga 50 y lo tuma luga 4:00 am entre Stingers y Bambino.
Nos ta invita tur fanatico di bon softball pa bin presencia e veteranonan cu antes tabata e strea nan di deporte na Aruba. Manera ta custumber na Aruba Juniors, bar y cushina lo ta bon surti. Nos ta warda boso….
