E cantidad di hende cu ta biaha forsa rond munda a baha tiki for di su nivel mas halto den historia, pero e ta keda “insostenibelmente halto”, cu Venezuela na cabes di e lista mundial di refugiadonan y personanan cu mester proteccion internashonal, asina Nacionnan Uni a alerta diahuebs ultimo.
Den su informe anual, UNHCR, e Agencia di Nacionnan Uni pa Refugiadonan, ta destaca cu e bahada leve aki a keda causa pa casi dos miyon Sirio cu a logra bolbe cas despues di a saca di poder presidente Bashar al Asad na december y despues di mas di un decada di guera.
E factor aki na Siria, hunto cu un caida den e cantidad di refugiadonan Afgano, ta hasi cu Venezuela ta e pais cu e cantidad mas grandi di refugiadonan y personanan cu mester di proteccion internacional, cu 370.200 y 5,9 miyon respectivamente na fin di 2024 segun UNHCR. E cifra aki ta 2% mas halto cu esun di 2023.
Mayoria di e Venezuelanonan aki ta na Latino America, cuminsando cu Colombia (cu 2,8 miyon hende ta e di tres pais na mundo cu mas poblacion di refugiadonan), sigui pa Peru (1,1 miyon), Brasil (605.700), Chile (523.800) y Ecuador (441.600).
Na Merca e mayoria di peticionnan pa refugio tabata di Venezolanonan (116.700).
Sinembargo, e regimen di Nicolás Maduro a rechasa e raportahe y a sigura cu e ta contene “cifranan manipulá”. Segun Maduro, e agencia di Nacionnan Uni a degrada.
